Մինչ պատմականօրէն այս գլուխները կը խօսին Երուսաղէմի, անոր պարիսպին եւ Իսրայէլացիներուն տրուած օրհնութիւններուն մասին, նոյն ատեն ուղղուած են բոլոր Քրիստոսով փրկուածներուն:
Հրեաները պիտի վայելեն, երբ ընդունին Յիսուսը, հիմա տակաւին կոյր են (Բ.Կր 3.14-18):
Հետեւաբար, երբ կը կարդանք փրկուածներուն ըլլալիք խոստումները, այսինքն՝
- Երուսաղէմ, կը հասկնանք եկեղեցին
- Իսրայէլացի, կը հասկնանք Քրիստոսով փրկուածները
- Պահապանները, կը հասկնանք հաւատացեալները, առաջնորդները, աղօթքները եւլն:
61 րդ գլուխին մէջ, յոբելեան եւ ազատագրման լուրը տալէ ետք.
- Սուգի փոխարէն ուրախութիւն
- Մոխիրի փոխարէն փառք
- Հին աւերակի փոխարէն շինութիւն եւ նորոգութիւն
- (6) աշխարհին հարստութիւնը բռնող եւ վայելողներ
- (7) Ամօթին տեղ ուրախութիւն
Աստուած կը շարունակէ օրհնութիւնները եւ խոստումները, 62.7-ին մէջ, կը պարզէ, թէ պէտք է շարունակ հռչակենք մինչեւ որ խոստացուածը իրական մեր ձեռքերուն մէջ ունենանք:
6րդ համարէն կը հասկցուի, թէ գլուխին սկիզբէն խօսողը Աստուած ինքն էր:
- (62.1) Փրկութիւնդ բոցավար ջահի պէս պիտի պիտի ճառագայթէ
- (62.2) Արդարութիւնդ ու փառքդ տեսանելի պիտի ըլլայ բոլորին: Բոլորը քեզ պիտի կոչեն, Տիրոջ կողմէ շնորհուած անունով:
- (62.3) Տիրոջ ձեռքին մէջ վայելչութեան պսակ ու արքայական թագ պիտի ըլլաս:
- Տէրը քեզ ատոնցմով պիտի ներկայացնէ ամէն տեղ:
- (62.4) Տիրոջ հաւանութիւնը քու մէջդ եւ կնիքը քու վրադ պիտի ըլլայ (հմմտ Եփ 1.13):
- (62.6-7) «Պահապանները»՝ Հաւատացեալները թող հսկեն, աղօթեն, ծառայեն մինչեւ որ Աստուած հաստատէ խոստացածները եւ եկեղեցին աշխարհի վրայ ըլլայ փարոս եւ միակ գովելի տեղը:
Հին ժամանակ, «պահապանները» քաղաքին պարիսպին վրայ, կամ շատ անգամ աշտարակին մէջ կը նստէին, որպէսզի մօտեցող թշնամին տեսնեն:
Մենք ալ, անոնց պէս պահպանութիւն կ'ընենք եկեղեցիին:
- Անոնք իրենց հանգիստը չէին փնտռեր:
- Մենք ալ մեր հանգիստը չենք փնտռեր, ոչ ալ Աստուծոյ դիմելէն կը հոգնինք, մինչեւ որ Անոր խոստումները հաստատուին:
- Այսինքն՝ շարունակ կը խնդրենք, մինչեւ որ Ան եկեղեցին պաշտամունքի համար միակ հաճելի տեղը դարձնէ:
- Առանց մոռնալու, որ մենք ենք եկեղեցին՝ անհատներով:
Այնքան օրհնուած, որ ամբողջ աշխարհի կողմէ ըլլայ գովելի (Ես 60.15, 61.11): - «Պահապանները» բռնուած կը մնային Աստուծոյ խոստումներուն, որովհետեւ գիտէին այդ ուղղութեամբ Անոր փափաքը:
- Աստուծոյ ժողովուրդը պէտք է աղօթէ հռչակելով՝ Աստուծմով իրեն եղած խոստումներուն համար:
- Յիսուս այս մէկը յստակացուց երբ իր աշակերտներուն սորվեցուց աղօթել, որ թագաւորութիւնը գայ (Մտ 6.10):
- Եկեղեցին երբ կանգնի եւ հաստատուի, բնաւ թշնամիին ձեռքը պիտի չ'իյնայ (Ես 62.8-9):
- Աստուած հաստատեց այդ մէկը «[...] Աջ ձեռքին վրայ [...] երդում ընելով» (Ես 62.8 եւ հմմտ Ես 40.10):